ஊடகம்

                               

அதிகாரத்திற்கு எதிராக அறத்தின்  சார்பில் நிற்க வேண்ட்டிய  ஊடகங்கள்.அதிகாரத்தால் உருவாக்கட்ட அறத்தின் முன் கூழைக்கும்பிடு போடுவதாக ஆகியுள்ளன.  குரூகல்  நோக்கத்துடன் இயங்குகின்றன. ஊடங்களிடம் இருந்து விடுபடுதலை காட்டிலும் ஊடகமாகசெயப்படும் வாய்ப்பை நவீன நுட்பம் அனைவருக்கும் கொடுத்துள்ளது. அதை யன்படுத்திக்கொள்வதே ஊடங்களை முறைபடுத்தும் வழியாகும்

          செய்திகளுக்கு பின்னால் இயங்கும் அரசியல் நுட்பமானது.தமிழ்ச்சூழலில் வெளிப்படையானது.மொழிகளை சொற்களை உருவாக்கி மக்களிடம் கொண்டு சேர்க்கும் நிலையிலே அரசியல் துவங்குகிறது.செய்தியை ஒரு உற்பத்தி பொருளாக ஊடகங்கள் விற்கின்றன.மக்களின் அரசியலை கட்டமைப்பதில் மீடியாவின் அரசியல் முக்கியமானது.மக்களிடம் இருந்தே அன்னியப்பட்டு நிற்கும் ஊடகங்களிடம் உண்மையும் பிணமாகவே கிடக்கும்.

மூர்க்கம் ஏன்

நாட்டின் ஒரு  பகுதிக்குள் மின்சாரத்தை நிறுத்தி மக்களை இருட்டுக்குள் தள்ளிவிடுவது கொடுரம்.ஜனநாயக வழியில்போராடுகின்றவர்கள் மீது இந்த மூர்க்கம் எதற்காக.உயிர் வாழ்க்கைக்கு அவசியமான குடிநிரை துண்டிக்க தேவை என்ன?குழந்தைகள்,பெண்கள் மீது இந்த நடவடிக்கை எதற்காக.அவர்கள் என்ன குற்றம் இழைத்தனர்.அரசு வளத்தை கொள்ளையடித்தார்கள?
      ஆட்சியில் இருப்பவர்களைபோல.நாட்டை விற்றார்கள?உயிர்ப்பலியை நிகழ்த்தினார்களா?காந்தியத்தின் அடிப்படையில்தானே போராடினார்கள்?போராடுகிறர்கள்.மக்களின் அச்சத்தை போக்கியதாக சொன்னார்களே?அது உண்மையானால் இத்தனை ஆயிரம் மக்கள் அந்தச்சின்ன கிராமத்தில் போராடுகிர்ரர்களே?எப்படி.பொய்  சொல்வது யார்?அன்னியத்தரகர்கள் யார்?

              அறிவுக்கு புறம்பாக கிளிப்பில்லையைபோல் அபாயம் இல்லை என்று சொல்லும் மூடர்கள் யார்?அந்நிய நாடுகலோடான ஒப்பந்தத்தை நிறைவேற்ற சொந்த மக்களின் வாழ்வை பழியிட வேண்டிய தேவை என்ன?

                                  கல்லறை பூமி
           இந்திய-தமிழக அரசுகள் இடிந்தகரை மக்கள் மீது கிட்டத்தட்ட ஒரு மறைமுக யுத்தம் நடத்துகிறது.மின்சாரம்,குடிநீர்,உணவு எனதடைவித்தித்து போராடும் மக்களை பட்டினிபோட்டுள்ளது.இதுதான் ஜனநாயகமா?ஆதிகாரத்தில் இருக்கும் அன்னியநாடுகளின் தரகர்கள் சொல்லுவதை கேள்வியே இல்லாமல் மக்கள் ஈர்க்க வேண்டும் என்றால் இது ஜனநாயக நாடுதான?
உலகமே கைவிட்ட்டுவரும் ஒரூ நுட்பத்தை பயன்படுத்துவதை கைவிட்டுவிட்டு மாற்றுவழியில் மின்சாரம் தயாரிப்பதுதானே நியாயம்.எவனோ வாங்கிய கமிஷன் பனத்துக்காக தமிழக மக்கள் அழியத்தான் வேண்டுமா?ஜப்பான்,சுவிடன்.ஜெர்மனி என பல நாப்=துகள் மார்ருவழு குறித்துதானே இபோது யோசிக்கிறது. இந்திய ஆட்சியாளர்கள் இந்தியாவை கல்லறை பூமியாக்கவே ஆக்கவே  செயல்படுகிரார்கள்.
 மேற்கு வங்கம் மறுக்கிறது.கேரளம் துரத்துகிறது..ஆனால் தமிழகத்தில் மட்டும் எதிர்க்கும் மக்களை சக தமிழர்களை இழிவுபடுத்துகிர்ரர்கள்.//விதியே விதியே என் செய் நினைத்தாய் என் தமிழ்ச்சாதியை! பாரதியின் குரல் மிதக்கிறது மன வெளியில். 

     

                                       நேச சக்தி                    ஈழத்தமிழர்க்கு எந்த வகையிலும் ஐ.நா.மனித உரிமை  அமர்வில்          அமேரிக்காவின் தீர்மானம் நியாயம் சேர்க்காது. போர்க்குற்றம். இனப்படுகொலைஇல் l இருந்து மகிந்திராவை காப்பாற்றவும் நோக்கமே தீர்மானத்திற்குள் ஒளிந்துள்ளது.வல்லரசு நாடுகளின் பொருளாதார புவிசார் நலன்களின் ஆட்டமும் இந்த தீர்மானத்தில் பதுங்கி இருக்கிறது. தமிழருக்கு பயன் இல்லை.எனினும், முதல்முறையாக உலகளவில் முக்கியமான  ஒரு அமர்வில் தமிழர் பிரச்சினை தொடர்பாக தீர்மானம் இயற்றப்படுவது வரலாற்றுத் தேவையாக உள்ளது.
          தீர்மானத்தை படித்துவிட்டு  ஆதரிப்பதாக இந்திய பிரதமர் சொல்லி இருக்கார். இருநாளுக்கு முன் வெளியான  ராஜபக்ஷேயின் அறிக்கையில் //எந்த நாட்டையும் நம்பவில்லை// என்ற தொனியில் சில வாக்கியங்கள் இருந்தன. இந்தியாவின் முடிவு குறித்து இந்திய மக்களுக்கு முன்பாகவே அவருக்கு கூறப்பட்டுள்ளது தெளிவானது.
     இனபடுகொலை,போர்க்குற்றம், தாயககோட்பாடு  தொடர்பான ஈழத் தமிழர் அரசியல் போராட்டத்தை தொடர்ந்து முன்னெடுத்தல் முக்கியமானது.உலகத் தமிழரும் மானிடத்தை நேசிப்பவர்களும் அவர்களுக்கு பக்கத்துணையாக மட்டுமே வினையாற்ற  முடியும்,வேண்டும். ஈழத்தமிழரை தங்கள் அரசியல் எதிர்காலத்தை முடிவு செய்ய வேண்டும். சிங்கள சக்திகளோ, இந்தியாவோ, தமிழக தமிழர்கலோ கிடையாது. .உழகத்தமிழர்கள் ஈழத்தமிழர்த்களின் நேச சக்தியாக மட்டுமே செயல்பட வேண்டும்.

                           வேடம்
கூடங்குளம் அணுஉலை திறப்பு விஷயத்தில் ஜெயலலிதா தன் இயல்பை வெளிப்படுத்தி இருக்கிறார்.  இடைதேர்தலுக்காக காத்திருந்திருந்தவர் வேடம் கலைத்துள்ளார். இடைத்தேர்தல் முடிந்த மறுநாளிலேயே  உடனடியாக அணுஉலையை திறக்க  அமைச்சரவை தீர்மானம் இயற்றிஇருக்கிறார்.மிகவும் பாதுகாப்பானதுதானாம்.இந்த விஷயத்தில் ஜெயலலிதாவை அந்தப்பகுதி மக்கள் ஒருபோதும் நம்பியதுமில்லை. அணுஉலகை திறந்தால் அனைவருக்கும் மின்சாரம் கிடைக்கும் என்று  எதனடிப்படையில் கூறுகிறார்கள் என்பதும் புரியவில்லை.  அமைதியாக போராடிய மக்கள் மீது எத்தனை வழக்குகள்,பழிகள்,அன்னியகூலிகள், தேசத்துரோகிகள்  சாட்டுகள். இந்த நாட்டில் உண்மையான அன்னியகூலிகளாக இருப்பது யார்?அதிகாரத்தில் இருப்பவர்கள்!வாழ்க.!இந்திய-தமிழக தலைவர்களின் உலைவெறி!.

  

                                                           உலகத்தமிழர் வங்கி
அரசியல் களத்தில் செயப்டும் உலகத்- ஈழத் தமிழர்கள்  வலிமையான பொருளாதார கட்டமைப்புகளை உருவாக்கிக்கொள்ள வேண்டும்.இன்றைக்கு உலக அரசியலைபொருளாதார ''கொள்ளைகளே'' வழுநடத்துகின்றது   என்பதை கவனத்தில் கொள்ள வேண்டும்.
                   புலம் பெயர்ந்து வாழும் தமிழர்கள் மூதலிடு செய்வதற்கு ஒரு குவிமையம் தேவை.அதற்கான வங்கிகட்டமைப்புகளை உ ருவாக்கல் அவசியம்.இலங்கை அரசின் ஆண்டு வருவாயை விடபுலத்தில் வாழும் தமிழர்களின் ஆண்டுவருவாய் அதிகம்.ஆனால் தமிழருக்கான வருவாய் தமிழருக்காக இல்லாமல் பிற நாடுகளின் நிருவனங்களுக்கே அதிகமாக செல்கிறது.அதை தடுப்பதோடு மாட்டை மாற்றி விட வேண்டும்.
                   உலகத்தமிழருக்கான ஒரு வங்கியை உருவாக்குவதோடு  உலகின் எப்பகுதியில் வாழும் தமிழரின் பொருளாதாரம் மற்றும்  தொழில் ஆக்கத்திற்கும் உதவும் வகையில் அதை அமைத்துக்கொள்ள வேண்டும்.நாடு கடந்த நிலையில்செயபடுவது முக்கியம். இஸ்லாமிய வங்கி முறைபோல், தமிழருக்கே உரித்தான தனித்த அடையாளங்களுடன் ஜனநாயக விழுமியங்களுடன் இயங்கவேண்டும்.

   அச்சமூட்டுகிறது
   இத்தனை கோரக்கொலைகள் நம் அருகில். ஓங்கி கத்தினால் கேட்கும் தொலைவில் உள்ள சின்னஞ்சிறு நாட்டில் நடந்தும் நம் மனசாட்சிகள் இருளில் புதைந்து கிடந்ததை    நினைக்கும் நேரமெல்லாம்   வெட்கம் பிடுங்கித் தின்னுகிறது.
   போர் என்பதே நியாயப்படுத்த முடியாதுதான்.எந்தப்போரும் நியாமில்லைதான்.என்றாலும் பாதிக்கப்பட்டவன் இயலாமையின் வலியுடன் ஆயுதம் தூக்கினால் அதை குறைந்த பட்ச நியாயம்பாராமல் உலகம் சண்டித்தனம் செய்து அழித்தது. யுத்த தர்மங்கள் இலங்கையில் செத்துப்போயின.புத்தனின் பெயரால் துவங்கிய வெறியுட்டல் விஷ குண்டுகளால் முடித்துவைக்கப்பட்ட்ன.புத்தனுக்கு ரத்தாபிஷேகம்.தமிழர் ரத்தத்தால்.
      விஷ குண்டுகளை வீசி கொத்து கொத்துதாக பிணங்களை விழச்செயதும் உடல்களை உருகச்செயதும் நிகழும் மரணத்தை அறியாமலே முடிந்து போவதுமானான ஒரு பெரும் மனிதக்கொலைகளே  நடந்திருக்கிறது.அருகில் //காந்திய//அகிம்சை தேசம்.,வஞ்சகமாக கள்ள மௌனம் சாதித்து வேஷம் போட்டது.
               .பாராளுமன்றத்தில் பொய்களை கூவினார்கள்.உலகிற்கு பொய்யை விற்றுக்கொண்டிருன்தனர். தமிழ்நாட்டில் வேர்ருகோஷமும் பல்வேறு கொஷ்டியுமாக அரசியல் பண்ணினார்கள்.தாவரங்களுக்கும் பிற உயிரகளுக்கும் கூடகுரல்கொதுப்பவர்களும் மனிதர்களுக்காக பேசாமல் பிணங்களாய் கிடந்தனர்.பேசியவர்களில் பலரும் அரசியலுக்காக பேசினார்கள்.இந்தகாலத்தில் வாழ்ந்தவன் என்ற முறையில் ஒரு மிகப்பெரும் கொடுமையை கண்டும் காணாமலும் வாழ்ந்ததற்காக வெட்கப்படுகிறேன்.
                இத்தனை துயரங்களுக்கு பின்னும் தமிழ்நாட்டைதவிர இந்தியாவின்     எந்த மாநிலத்திலும் இது குறித்து யாரும் பேசவில்லை என்பதுதான் அச்சமூட்டுகிறது.
 

   
 





                                      தீராமல்
                       சொல்ல இருக்கிறது
                        கதைகள் 
                           சொல்ல இருக்கிறது
                          கண்ணீர்
                      சொல்ல  இருக்கிறது
                       வருத்தங்கள்
                    சொல்ல  இருக்கிறது
                    வேதனைகள்
                    சொல்ல இருக்கிறது
                    நினைவுகள்
               சொல்ல இருக்கிறது
                 வெட்கங்கள்
             சொல்ல இருக்கிறது
                 குற்றங்கள்
               சொல்லஇருக்கிறது
              இன்னும் நிறைய

                                                 அரசு
  ஒரு நாடு இனவாத கொள்கையை பின்பற்றினால் அதற்கு அந்த அரசும் அதை இயக்குபவர்களும் பொறுப்பு ஏற்க வேண்டும். அதற்கான //விளைவு//களை உருவாக்கியவர்கலாகவும் அவர்களே இருக்கிறர்கள்.
             ஒரு நாட்டின் முழு மக்கள் தொகுதியையும்   பிரதிபலிக்க வேண்டிய அரசு ஒரு இனத்தை மட்டும் சார்ந்து செயல்படுகின்ற நிலையில், மறு தரப்பு மக்களை பிரதிபளிக்கும்  அரசு இயந்திரமாக போராட்ட இயக்கம் அங்கீகரிக்கப்படுவதே நியாயம்.

             தன்  பகுதி மக்களின் உரிமைகளுக்காவும் நிலத்திற்காகவும் போராடும்  இயக்கத்தை பயங்கரவாதமாக முத்திரை குத்திய அரசியல் அநீதியாலே ஈழத்தமிழர்களின் போராட்டம் நசுக்கப்பட்டது . அதுபோலவே புலிகள் குறித்த விமர்சனங்களுக்கும் இடம் உண்டு.அதை மறுக்கும் தவறையும் செய்யத்தேவை இல்லை.

 

 

                                    துரோகம்
விடுதலைப்புலிகள் தலைவர் பிரபாகரன் இருப்பு-இருப்பின்மை குறித்த விவகாரத்தில் தொடர்ந்து குழப்பம் இருக்கிறது. இலங்கை அரசு நந்திகடலில் கொல்லப்பட்டதாக கூறியது. தற்போது சேனல்- 4   தொலைக்காட்சியும் அதை உறுதி செய்துள்ளதாக தகவல்கள் வெளியாகியுள்ளன. தமிழர் தரப்பில் பல்வேறு தரப்புகள்,தளங்கள்.மறுப்பும்,. எதிர்ப்பும் தெரிவித்துக்கொண்டு. பிரபாகரன் மரணம் அடைந்திருந்தால் அதுகுறித்த யதார்த்தத்தை ஒப்புகொள்வதுதான் சரியானது .அதுதான் ஈழத்தமிழர்களின் எதிர்கால அரசியல் திட்டமிடலுக்கு ஏற்றது. அவர் மரண செய்தி குறித்தும் அரசியல் செய்வது அவருக்கு செய்யும் அநீதி.
       சிங்கள அரசால் கொடுரமாக பிடித்துவைத்து .கொல்லப்பட்டிருந்தால் அதையும் மறைப்பும் திரிப்பும் இல்லாமல் வெளிப்படுத்துவதே அ றம். அதற்கும் பதில் அளிக்க வேண்டிய நிலை சிங்கள அரசுக்கு ஏற்படும்.அவர் கொல்லப்பட்டிருந்து...  அதை மறைப்பது...  சிங்கள அரசுக்கு செய்யும் உதவியாகவே இருக்க முடியும். இதை மறைப்பதில் அரசியல் தந்திரம் என்று எதுவும் இருக்க முடியாது. உண்மையை மக்களிடம் இருந்து மறைப்பது எந்த மக்களுக்காக அவர் போராடியதாக சொல்லப்பட்டதோ அந்த மக்களுக்கு செய்யும் துரோகம் ஆகும்.
        

 

                     தமிழர்க்கு தேவை
          ஜெனீவா தீர்மானத்தில் இலங்கை அரசை கண்டிக்கும் வார்த்தைகள் கூட இல்லைதான்.தமிழர்களுக்கு அதில் நியாயமும் கிடைக்காதுதான்.தங்கள் சுயநலத்திற்காக இலங்கை அரசை தங்கள் கட்டுக்குள் கொண்டுவரும்நோக்க்ம் தவிர்த்து வேறு எதுவும் இல்லை என்பதும் நிஜம்தான்.
  
                                    உலக அரசியல் ஈழம் என்ற சிட்டுக்குருவிகூட்டை சிதை த்துப்போட்டது.தாம் வாழ்ந்த கூடுகாக்க போராடிய சிட்டுக்குரூவிகளை பயங்கரவாதிகளாக
முத்திரை குத்தி சிதைத்தது.அனைத்தும் உண்மை .
        எனினும், இன்றைய நிலையில் மகிந்தரை கண்டிக்ககூட இல்லை என்றபோதும் இலங்கைக்கு எதிரான அமெரிக்காவின் ஜெனீவா தீர்மானத்தின் வெற்றி தமிழர்க்கு தேவை.ராஜதந்திரத்தில் இது ஒரு சயொரு வெற்றியாக இருக்கும்.
                   ஆனால் நீண்டநாள் நோக்கில் போராடும் பிற   தேசியயங்களோடு இணைந்து செயல் படுவதே ஈழத்தமிழர் எதிர்காலத்துக்கு ஏற்றது.விடுதலை என்பது போராட்டத்தில்தான் மலரும்.அன்னியநாடுகளின் நிழழில் இருந்து அதை ஒருபோதும்ம் பெற முடியாது.

                                          இந்தியா முன் 

 
         ஆதரவு-எதிர்ப்பு-நடுநிலை இந்த மூன்றுத் தெரிவுகளும்தான்  ஜெனிவா மனிதஉரிமை கூட்டத்தில்  இலங்கைக்கு எதிராக அமேரிக்கா கொண்டுவரும்  தீர்மானத்தில் இந்தியா முன் உள்ளது.
            இந்தியா இலங்கையை ஆதரிக்கலாம்.அல்லது எதிர்க்கலாம்.அல்லது நடுநிலை வகிக்கலாம்.ரஷ்யா,சீனா  முதலிய இரண்டு வல்லரசுகள் இலங்கையின் பக்கம் உள்ளன.அமெரிக்க இங்கிலாந்து,பிரான்ஸ் ஆகிய வல்லரசு நாடுகள் எதிராக உள்ளன.
               முஸ்லிம் நாடுகள் இலங்கையை ஆதரிக்கலாம்.இந்தியா ''குறிப்பிட்ட  நாட்டுக்கு]]எதிராக கொண்டுவரப்படும் தீர்மானம் சரியாக இருக்காது என்று கருதுவதாக தெரிவித்துள்ளது.இருப்பினும் தெளிவாக சொல்லவில்லை.அமைதிகாக்கிறது.
           வெளியுறவு அமைச்சர் எஸ்.எம்.கிருஷ்ணா இலனையை சகோதர நாடு என்று வர்ணித்துள்ளார்.ஆனால்.  சகோதரநா ட்டை  விட சொந்த நாட்டு [தமிழர்]மக்களின்  உனார்வுகளுக்கு மதிப்பு அளிக்க வேண்டிய கடமை இந்தியாக்கு உண்டு.  லட்சக்கணக்கான மக்கள் யுத்தநேரியை மீறி இனப்படுகொலை செய்யப்பட்டனர். இந்தியா ஆயுதம் கொடுத்து ஊக்கப்படுத்தியது. தமிழர்கள் நசுக்கப்பட்டபோது இலங்கையின்     பக்கம் இருந்தது.அரசியல் நீதிக்கும்  அநீதிக்கும்மான மோதலில் அநீதியின் பக்கம் நின்றது.இப்போதும் இலங்கையின் பக்கம் நின்றால் வரலாறு மன்னிக்காது. எதிர்காலத்தில் பூகோளஅரசியலில் ஈழத்தமிழரை ஆதரிப்பதே இந்தியாவுக்கு நல்லது. இன்றைய நிலையில் இந்திய ஆளுந்தரப்பு  நடுநிலை பாத்திரம் வகிக்ககூடிய சாத்தியம் உள்ளது என்பதை மறுப்பதற்கில்லை. இந்தியா கொன்றவர்களின் பக்கம் நிற்குமா? கொல்லப்பட்டவர்களின் பக்கம் நிற்குமா என்பதை  பார்ப்போம்.  ஈழத்தமிழரை பொறுத்தவரையில் வல்லரசு நாடுகளின் ஆதரவை நாடுவதை காட்டிலும்  ஓடுக்கப்பட்ட, அரசு இல்லாத அரசுகளுக்காக  போராடும் தேசியஇனங்கலோடு இணக்கம் கண்டு போராடுவதே சிறந்தது.

மறுபடியும் ஒருமுறை ஈழத்தமிழர்களுக்கு இந்திய அரசு துரோகம் செய்ய தயாராகி விட்டதாகவே தெரிகிறது.

 ஜெனிவா மனித உரிமை அமர்வில் இலங்கைக்கு ஆதரவாக செயல்பட இலங்கையிடம் பேரம் பேசிக்கொண்டு இருக்கிறது. தமிழக முதல்வர் தலையிட்டால் சற்று செவிமடுக்கலாம்.

 மனம் இருக்குமா முதல்வருக்கு?
தமிழக தலைவர்கள் என்னதான் செய்துகொண்டிருக்கிர்றாக்கள்.

                                            கடவுளின்  குரல்
                       கைபேசியை திறந்தேன்
                     எதிரில் கடவுள்   
                     இடியின் இரைச்சலுடன்
                    கிளம்பியது
                    கடவுளின் குரல்
                 ''உங்கள்  ஆலயங்கள் 
                 கூண்டுகளாகிவிட்டன''
                கைபேசியை மூடினேன்

.  
   

     வணக்கம் சென்னை
   சென்னைமாநகரம் சிறியதொரு கடற்கரை நகரமாகத்தான் தன் வரலாற்றைத்  தொடங்கியது.ஐரோப்பியர்களின் வருகைக்கு பின்னரே அரசியல் முக்கியத்துவம் பெற்று வளர்ச்சி அடையத்தொடங்கியது.இதனால் ஐரோப்பியர்கள் இலாவிட்டால் வளர்ச்சி இல்லை என்பது பொருள் இல்லை.அவர்களால் பெருமளவுக்கு முக்கியத்துவம் பெற்றது என்பதே மெய்.ஆங்கிலேயர்களின் காலத்தில் ஓடிஸா,ஆந்திரா.கேரளாவின் பெரும்பகுதிகளும் யாழ்ப்பாணம்.இந்தோனிசியாவின் பகுதிகளுக்கும் சென்னை தலைநகரமாக இருந்தது. சென்னையின் கம்பீரத்தின் இவை சாட்சியங்களாக இருக்கின்றன.
                                                                  தொடரும்..                       

வாடகை வாழ்க்கை

          சென்னையில் வாடகைக்கு குடியிருப்பவர்கள் பற்றிய விவரங்களை காவல்நிலையத்தில் சமர்ப்பிக்க வேண்டும் என்று சென்னை மாநகர க்காவல் ஆணையாளர் அறிவித்துள்ளார். ஊடகங்கலும் கேள்வியே இல்லமால்  முக்கியத்துவம் கொடுத்து செய்தியை வெளியிட்டுள்ளன. சென்னையில் சொந்த வீட்டில் இருப்பவர்களை காட்டிலும் வாடகைக்கு குடியிருப்பவர்கல் அதிகமாக இருகக்கூடும்.வாடகைதாரர்கள் வாழ அல்ல.  மூச்சுவிடுகிர்ரர்கள்,அவ்வளவுதான். 
            மின்சாரம்,தண்நீர்,முறைவாசல் என கொள்லையடிக்கிர்ரர்கள். அதைக்கட்டுப்படுத்த வக்கில்ல்லாமல் இருக்கிறது அரசாங்கம்.                       சட்டம்  குறித்த அச்சம் வீட்டு உரிமையாளர்களிடம் இல்லை. குடியிருப்பவர்களிடம் வசூல் செய்வதற்கு விதவிதமாக   செயல்படுகிர்ரர்கள்.
         இந்த ஜனவரி மாதத்தில் இருந்து நடுத்தர வீடுகளுக்கு ஆயிரம் ருபாய் வாடகைக்கட்டனத்தை உயர்த்திஇருக்கிறர்கள். சட்டத்தை செயல்படுத்த முடியாத அரசும் போலீசும் இப்போது தங்கள் கையாலாகதனத்தை வாடகைக்கு குடியிப்பவர்களை தங்கல்பங்குக்கு கூடுதலாக நசுக்கத்தொடங்கி இருக்கின்றன. சொந்தவீடு இருப்பவர்கள் கொள்ளையடிக்க மாட்டார்கள் என்று காவல்துறையில் உள்ள ''புத்திச்சாலி'' அதிகாரிகள் முடிவு செய்துள்ளனர். 
இதுவரையில்

சட்டம்
மரபின் தொடர்ச்சியில் இருந்தே சட்டம் உருவானது. சட்டத்தின் அடிப்படை நியாயம்தான். எல்லோருக்கும் நியாயமாக இல்லாவிட்டாலும் குரந்தபட்ச நியாயமாவது சட்டத்தில்தான் கிடைக்கிறது.எனவேதான் சட்டத்தின் செயலபாடுகளுக்கு முக்கி...யத்துவம் அளிக்கப்படுகிறது. சட்டத்தின் நெறிப்படிஅரசும், தனி நபர்களும் இயங்க வேண்டும் என்பத்தற்கே சட்டக்கல்வி. அரசுகள் மீறும்போதும் தனிநபர்கள் சட்டத்திற்கு அப்பால் செயல்படும் போதும் அதை முறைப்படுத்த வேண்டிய கடப்பாடு சட்டம்கற்ற வ ர்களுக்குஉண்டு.ஆனால், இந்தியாவில் சட்டம் படித்தவர்கள் சட்டத்திற்கு அப்பாற்பட்டவர்களாக தங்களை தாங்களே நியமித்து கொ''ல்''கிரார்கள் சென்னை, பெங்களூர் நீதிமன்ற நிகழ்வுகலே இதற்கு சாட்சி. சட்டம் தேரியாதவர்களுக்கு உதவி வதுதான் சட்டம்கற்றவர்களின் கடமை. இன்றைக்கு அப்படி பலரும்இல்லை.இருண்ட திசைநோக்கி சமூகம் செல்வதற்கான அறிகுறி இது.மக்கள் விழித்துக்கொலல்வதே எதிர்காலத்திற்கு நல்லது.